වර්තමාන ලෝකයේ Video Games කියන්නේ නිකම්ම විනෝදාංශයක් නෙවෙයි, එය අතිදැවැන්ත තාක්ෂණික ක්ෂේත්රයක්. පරිගණක (PC) සහ Play Station වැනි Consoles වල දකින ඉහළ මට්ටමේ Graphics, අද අපේ අතේ තියෙන Mobile Phone පවා අත්විදීමේ හැකියාව තිබෙනවා.
මේ අප අත්විඳින්න ඉහල පෙලේ Graphics සහිත Mobile Games අපට Play කරන්න හැකියාව ලබීමට ලොකු හේතුවක් තිබෙනවා. ඒ තමයි Epic Games සමාගම විසින් නිර්මාණය කරන ලද Unreal Engine 4 (UE4) මෘදුකාංගය.
මෙම ලිපියෙන් අප සාකච්ඡා කරන්නේ Unreal Engine 4 යනු කුමක්ද සහ එය ජංගම දුරකථන ක්රීඩා ක්ෂේත්රයට, විශේෂයෙන්ම PUBG MOBILE, FORTNITE, VALORANT වැනි ක්රීඩාවලට බලපෑවේ කෙසේද යන්නයි.
Unreal Engine 4 (UE4) යනු කුමක්ද?
සරලවම කිවහොත්, Unreal Engine 4 යනු ක්රීඩා නිර්මාණය කිරීමට භාවිත කරන ප්රබල “Game Engine” එකක් හෝ මෘදුකාංග කට්ටලයකි. 2014 වසරේදී ප්රසිද්ධියට පත් වූ මෙමඟින් ත්රිමාණ (3D) දර්ශන, ආලෝකය (Lighting), ශබ්ද පරිපථ (Audio) සහ භෞතික විද්යාත්මක නීති (Physics) ඉතාමත් තාත්වික ලෙස ක්රීඩාවක් තුළ ප්රතිනිර්මාණය කිරීමට සංවර්ධකයන්ට (Developers) අවස්ථාව ලබා දෙනවා.
පරිගණක සඳහා නිපදවූ මෙම දැවැන්ත තාක්ෂණය පසුව Android සහ iOS වැනි ජංගම දුරකථන මෙහෙයුම් පද්ධති සඳහාද ගැළපෙන ලෙස (Cross-platform) සකස් කිරීමට Epic Games සමාගම කටයුතු කළේය.
PUBG MOBILE සහ Unreal Engine 4 අතර සබැඳියාව
Unreal Engine 4 හි ඇති සැබෑ ශක්තිය ලෝකයටම පෙන්නුම් කළ හොඳම උදාහරණය වන්නේ PUBG MOBILE ක්රීඩාවයි. මුල් කාලයේදී පරිගණක සඳහා පමණක් තිබූ PUBG ක්රීඩාව, ජංගම දුරකථන සඳහා නිර්මාණය කිරීමේ වගකීම Tencent සමාගම භාරගත් විට, ඔවුන් ඒ සඳහා තෝරාගත්තේ UE4 තාක්ෂණයයි.
PUBG MOBILE ක්රීඩාව ලෝක ව්යාප්ත පෙරළියක් වීමට UE4 උදව් වූයේ මෙලෙසිනි:
- දැවැන්ත සිතියම් සජීවීව ධාවනය වීම (Open-World Rendering): PUBG MOBILE හි Erangel, Miramar වැනි සිතියම් 8KM x 8KM තරම් විශාලය. එකවර ක්රීඩකයන් 100 දෙනෙකු, වාහන සහ ගොඩනැගිලි රාශියක් දුරකථන තිරය මත Smooth එකට පෙන්වීමට UE4 හි ඇති ‘Level Streaming’ තාක්ෂණය උපකාරී වේ.
- තාත්වික ආයුධ සහ වාහන හැසිරීම් (Advanced Physics): වෙඩි තබන විට උණ්ඩය සැබෑ ලෙසම ගමන් කිරීම (Bullet Drop), තුවක්කුවේ ගැස්ම (Recoil) සහ වාහන පදවන විට දැනෙන බර සහ වේගය (Vehicle Dynamics) සැබෑ ලෝකයට සමානව නිර්මාණය කිරීමට UE4 හි Physics Engine එක සමත් වී ඇත.
- ත්රිමාණ ශබ්ද පද්ධතිය (3D Spatial Audio): සතුරන් පැමිණෙන දිශාව, ඔවුන් ඇවිදින ශබ්දය (Footsteps) උඩ තට්ටුවෙන්ද බිම් මහලෙන්ද යන්න හරියටම වටහා ගැනීමට UE4 හි දියුණු ශබ්ද පද්ධතිය ක්රීඩකයාට මඟ පාදයි.
ජංගම දුරකථන සඳහා UE4 වැදගත් වන්නේ ඇයි?
සාම්ප්රදායිකව ජංගම දුරකථන ක්රීඩා (උදාහරණයක් ලෙස Subway Surfers හෝ Free Fire) නිර්මාණය කිරීමට Unity Engine එක බහුලව භාවිත වේ. එහි අරමුණ අඩු ධාරිතාවයකින් යුත් දුරකථන ඉලක්ක කිරීමයි.
නමුත් යම් සමාගමකට තමන්ගේ Mobile Game එක “Console Quality” (PlayStation එකකින් සෙල්ලම් කරනවා වැනි) උසස් තත්ත්වයේ Graphics සහ Realistic ස්වභාවයකින් යුතුව නිපදවීමට අවශ්ය නම්, ඔවුන්ට ඇති හොඳම සහ එකම විසඳුම වන්නේ Unreal Engine 4 තාක්ෂණයයි.
එය සතු නම්යශීලී බව නිසා, එකම ක්රීඩාව Low-end දුරකථනයක මෙන්ම ඉහළ පෙළේ (Flagship) දුරකථනයක 90 FPS හෝ 120 FPS වැනි සුපිරි ධාවන වේගයකින් ධාවනය කිරීමට Developers ලාට හැකියාව ලැබේ.
ඉතින් Gaming වලට උනන්දුවක් දක්වන ඔයාට මේ වගේ Gaming ගැන අලුත්ම UPDATES ලබා ගැනීම සදහා මාව follow කරල තියා ගන්න.
Gaming PC, Accessories, Reviews, Offers පිළිබදව මම මේ Social Media හරහා ඔයාලව දැනුවත් කරනවා.
